Hələ yer üzünün uşaq çağıdı
Müəllif: Habil Yaşar


18.01.2021


Hələ yer üzünün uşaq çağıdı

Hələ yer üzünün uşaq çağıdı,
Arzular yenicə ayaq açıblar.
Bitkilər yenicə tumurcuqlanıb,
Adamlar sevgiyə qucaq açıblar.

Hələ yer üzünün uşaq çağıdı,
Hələ eşidilmir aman səsləri.
Hələ nələr-nələr yaşanasıdı,
Dünya tanınmayır yaman kəsləri.

Hələ yer üzünün uşaq çağıdı,
Böyüyə-böyüyə "ağıllanacaq".
Qaytara bilməsə uşaqlığını,
Qorxuram quruca adı qalacaq.
Habil Yaşar 03/00 18.01.2021

12 dəfə oxundu

Axtarış