İLDIRIM ƏKBƏROĞLU - 70 (32)
Müəllif: Yazarlar.AZ

Var

Yaman sözlə yaxşılara qəst olur,

Nə yaxşı ki, yaxşılardan xeyli var.

Oxşananda daş ürək də məst olur,

Hər ürəyin oxşanmağa meyli var.

* * *

Dünya ilə çoxdan düşüb tərs aram,

Ancaq, bilmə, həzzinə göz yumuram.

Güldən ətir, arıdan bal umuram

Arının da işləyi var, veyli var.

* * *

Düyar eşqə tuş olanlar səfanı

Görən azdır, sevdiyindən vəfanı.

Sevən çəkib hər zilləti, cəfanı,

Axı Qeysi Məcnun edən Leyli var.

* * *

Şərqim “dostda”, qərbim qarı yağıda,

Cəhət-cəhət bölübdülər bağı da.

Azərbaycan, ağlanırsan ağıda,

Burda çox-çox düşmənlərinəli var.

* * *

Ay İldırım, cənnət oldu şimalım,

Barı burdan qoymurlar ki, kam alım.

Tam olmağın, Azərbaycan, amalım

Ümid, inam ürəyimdə hələ var.

Müəllif: İLDIRIM ƏKBƏROĞLU

Allah rəhmət eləsin… Ruhu şad olsun… Bu şeir (sonetlər) “İldırım Əkbəroğli – 70” layihəsi çərçivəsində N : 32 qeydi ilə yayımlanır. Eyni zamanda bu layihə çərçivəsində İldırım Əkbəroğlunun 70 illik yubileyi münasibəti “Yazarlar” jurnalının xüsusi buraxılışı formasında nəşr olunacaq “İldırım Əkbəroğli – 70” kitabına daxildir.

USTAC.AZ

WWW.YAZARLAR.AZ VƏ WWW.USTAC.AZ

Əlaqə: Tel: (+994) 70-390-39-93 E-mail: zauryazar@mail.ru