SONA YUSİF-ABBASƏLİQIZI – BİR ŞEİR
Müəllif: Yazarlar.AZ


03.10.2019





Niyə xatırlamır
Söylə necə bu həsrəti mən boğum,
Qərib-qərib sızıldayır bu duyğum.
Baxışına hər gün heyran olduğum,
Niyə məni xatırlamır, İlahi?!

Uçub getdi pıçıldaşan o sözlər,
Ocağımda ta üşüyür bu közlər.
Görən indi hara baxır o gözlər,
Niyə məni xatırlamır, ilahi?!

Bir meh kimi oxşayırdım saçını,
Unudurdum qəlbimdəki acını.
Ona verdim könlümün taxt-tacını,
Niyə məni xatərlamır, İlahi?!

Odum sönüb,sovrulubdu küllərim,
Sona-sona çağırmayır göllərim,
Eşq bağçamda haray çəkir güllərim,
Niyə məni xatırlamır, İlahi?!

Müəllif: SONA İSMAYILOVA

USTAC.AZ

WWW.YAZARLAR.AZ VƏ WWW.USTAC.AZ

3 dəfə oxundu

Axtarış