Zaur Ustac - Cəza yeri
Müəllif: Yazarlar.AZ


16.11.2019


CƏZA YERİ

Dünya malı, bu dünyada qalandı,

Süleymanın hekayətin sal yada.

Kimi qurdu, kimlər çapdı, taladı

Elə qazan, elə ye ki, bal dada.

* * *

Canfəşanlıq, fitnə-fəsad faydasız,

Tamahkarlıq, hiylə, büsat faydasız,

Riyakarlıq, qorxu, həsəd faydasız,

Şirindil ol, yeri gəlsə, al “qada”.

* * *

Ustac desin, bircə kəlmə, dinlə sən,

Adəm bura niyə gəldi, biləsən,

Həmən yerdi– cəza yeri, anla sən,

Rəvamıdır, verə ömrü, mal bada!?

16.11.2019. (19:06)

Müəllif: Zaur Ustac

© Zaur USTAC,2019. Bakı.

WWW.YAZARLAR.AZ VƏ WWW.USTAC.AZ

3 dəfə oxundu

Axtarış