Eltun Səfər - Həsrət
Müəllif: YAZARLAR.AZ


12.09.2021


Sənin gedişinlə öldü ümidlər,
Ağacın qırılmış qolları kimi.
Sənin baxışların azdırdı məni.
Həyatın çıxılmaz yolları kimi.
* * *
Bir günün içində itirdim getdi,
İllərdir ürəkdən sevdiyim kəsi.
Bir zamanlar mənim baxdığım gözə,
İndi saatlarla baxır özgəsi.
* * *
Nə üçün yaranıb, həsrətlə, hicran,
Nə üçün qəlbimi oymağa gəlsin.
Gedin o vəfasız yarıma deyin,
Qəbrimə gülləri qoymağa gəlsin.
* * *
Gecələr həsrətə, dözdüm birtəhər,
Dedim sevinərəm səhər olanda.
Mən axı bilməzdim ümidlər ölür,
Həyatı insana zəhər olanda.

Müəllif, Eltun Səfər.
YAZARLAR.AZ

2 dəfə oxundu

Axtarış