SONA XƏYAL - BAX
Müəllif: YAZARLAR.AZ


09.03.2021


Ey mənim könlümə yüz yarə vuran, canıma bax,
Gözlərimdən tökülən yaş əvəzi qanıma bax.
* * *
Baş alıb çöllərə qaçdım qəm əlindən, lakin
Yoxdu bir canıı gəlib hərlənə dörd yanıma, bax.
* * *
Nalələr eyləyirəm, bəlkə yetişsin yarə,
Kar qulaqdan nə umur, sən dili-viranıma bax.
* * *
Arzulardım onu mən bəlkə görəm röyadə,
Gecələr yatmaq üçün olmayan imkanıma bax.
* * *
Ömrü beş gündür əgər hər adamın dünyadə,
Sürdüyüm üç gün ola, olmaya, dövranıma bax.
* * *
Hər gələn yetməlidir Tanrısına son gündə,
Bu sözə şəkk eləsən, ayeyi-Quranıma bax.
* * *
Məni fəqr əhli görüb sözlərimi heç sanma,
Sona, sən surətə yox, qəlbdə imanıma bax.
Müəllif: Sona Xəyal

3 dəfə oxundu

Axtarış