...
  • Xudayar Dastanı - Zaur Ustac
  • زائـــور اوستاج
  • 15 iyul Xudayarın anadan olduğu gündür.

    (sonet çələngi)

    I

    Xudayar çağırdı anan adını,

    Söylədi: -Bəxtinə Xuda yar olsun!

    Qəlbində arzular yetsin murada

    Ömrünün yolları növbahar olsun!

    Ana laylasıyla yurdsevərliyi,

    Hopdurdu qanına şirin bayatı.

    Hələ beşikdəykən qığıltıların,

    Kiminə "Cəngi"ydi, kimə "Heyratı".

    Bu ömür yolları fəsil-fəsildi,

    İnsanlar dünyada nəsil-nəsildi,

    Heç nə yayınmayır Tanrı gözündən

    Anan sevgi ilə əl açdı göyə,

    Qəlbinə məhəbbət ələnsin deyə,

    Şəfqətlə əyilib öpdü üzündən.

    II

    Şəfqətlə əyilib öpdü üzündən,

    Dedi: Oğul balam, tanı özünü.

    Damarında axan qanınla qoru,

    Anatək müqəddəs "vətən" sözünü.

    Sənə qucaq açan bu qoca diyar,

    Ulu babaların əmanətidir.

    Mənim söylədiyim ana öyüdü,

    Qoca nənələrin zəmanətidir.

    İllər gəlib keçər bircə an kimi,

    Qoru torpağını öz anan kimi,

    Sadiqlik bu yurdun ərinə xasdı.

    Bu torpaq böyüdür mərdi, qoçağı,

    Ərən babaların qeyrət ocağı,

    Səni məhəbbətlə bağrına basdı.

    III

    Səni məhəbbətlə bağrına basdı,

    Arzu köynəyini geyinən yollar.

    Elin yaddaşında dönür heykələ

    Vətəni sənintək sevən oğullar.

    Yurdunu canından çox sevdiyindən,

    Özünə sərhədçi peşəsi seçdin.

    Vətənin ən kiçik daşına belə

    Ömürlük sədaqət andını içdin.

    Vuruldun torpağın hər qarışına,

    Döndün pərvanətək yurdun başına,

    Adladın dağından, keçdin düzündən.

    Döyüş yollarından xəbər alınca,

    Anan dua etdi sənin dalınca ,

    Oğul ətri gəldi kövrək sözündən.

    IV

    Oğul ətri gəldi kövrək sözündən,

    Suyundan içdiyin ayna bulağın.

    Yurdun sərhədləri qayıtsın deyə,

    Qanlı döyüşlərdən gəldi sorağın.

    Söylədin: Sərhəddə duran igidin,

    Duruşu yad gözə sancılan oxdur.

    Qeyrətli sərhədçi qəlbində təkcə,

    Vətən sərhədinin sərhədi yoxdur!

    Düşmən çəpəridir qamətin, görkün,

    Törəsi əzəldən belədir türkün,

    İradəsi dəmir, ürəyi kövrək.

    Silahdı qüdrətin, qeyrətdi gücün,

    Yurdun harayına yetişmək üçün,

    Böyüdün həyatda ər oğlu ərtək.

    V

    Böyüdün həyatda ər oğlu ərtək,

    Çəkdin keşiyini ana torpağın.

    Hər səhər öpmüsən sərhəd boyunca,

    Üzünü üçrəngli uca bayrağın.

    Sərhədçi ömrünün hər məqamında ,

    Yurdunu düşünür, vətəni anır.

    Torpaq bədnəzərdən üşüyər deyə

    Onun damarında qan alovlanır.

    Silahdan çəkmədən öz əllərini,

    Hər gün çiçəkləyən nəğmələrini,

    Yazdın yaddaşlara qalsın yadigar.

    Əzəli əbədi bir nəfəs kimi,

    Canlı haray kimi, ulu səs kimi,

    İstədin yurddaşın olsun bəxtiyar.

    VI

    İstədin yurddaşın olsun bəxtiyar,

    Səsinlə dərələr, dağlar isindi

    Otuz il möhnətdə qalan torpağın,

    Köksündə üşüyən çağlar isindi

    Oğul hünəriylə, ər qeyrətiylə,

    Hər daşı, qayanı öpdü gözlərin.

    Sevgiyə susamış torpağın üstə

    Axdı nəğmə-nəğmə şirin sözlərin.

    Həsrətin, möhnətin saçını yoldun,

    Nəğmədən yonulmuş bir heykəl oldun,

    Bu cavan ömürdə, bu cavan yaşda.

    Sevgi çağlayırdı nəğmələrində,

    Hər gün döyüşürdü nəğmələrin də ,

    Qarabağ uğrunda gedən savaşda.

    VII

    Qarabağ uğurunda gedən savaşda

    Şahadət bağından sən də gül dərdin.

    Könüllər oxşayan nəğmələrini,

    Döyüşçü dostların qəlbinə sərdin.,

    Zamanın fövqündə dayandı andın,

    Arzun nəğmələrə döndü çağladı.

    Ucaltdın adını elin obanın,

    Rəhmində yer verən Bərdə ağladı.

    Vardın döyüşlərə cəsarətinlə,

    Savaş meydanında dəyanətinlə

    Amansız düşməni çox eylədin xar.

    Ələndi üstünə mərmi yağışı

    Pozuldu ömrünün gənclik naxişı,

    Adını tarixə yazdın, Xudayar.

    VIII

    Adını tarixə yazdın, Xudayar,

    Şirin təbəssümün ələmi sildi.

    Dastana sığmayan oğul hünərin,

    Düşmənə əbədi qənim kəsildi.

    Qeyrət ətri hopmuş arzularını,

    Vətənin boynuna taxdın, igidim.

    Otuz il ucalan dərd hasarını,

    Düşmənin başına yıxdın, igidim.

    Açdın yaxasını xatirələrin

    Dodaqda nəğməyə döndü hünərin,

    Çəkildin bəxtinin lap güneyinə.

    Ağdamın yurduna həsrət pələngi ,

    Çağladı qanında qəfil bir "Cəngi"

    Şəhidlik köynəyi geydin əyninə.

    IX

    Şəhidlik köynəyi geydin əyninə,

    Qorxudan ölümün rəngi ağardı.

    Tanrı mələkləri qondu səsinə,

    Səni nəğmə-nəğmə çəkib apardı.

    Yağıştək ələndi yağı gülləsi,

    Sinəndə astaca çiçəklədi qan.

    Səni qucaqladı Vətən torpağı,

    Öpdü lalə-lalə yaralarından.

    O hansı bağçadı gülü solmayan?

    -Qisməti şəhidlik eşqi olmayan

    Cənnət libasını çətin geyinə.

    Əcəl öz əlində tutsa da fərman,

    Ölüm qorxutmadı səni heç zaman,

    Düşməni almadın heç vaxt eyninə.

    X

    Düşməni almadın heç vaxt eyninə,

    Sərhədçi adını uca saxladın.

    Nəğməyə döndərib vətən eşqini,

    Sevgi dənizitək hər vaxt çağladın.

    Söylədin, bu Vətən işığa bənzər,

    Sərhədçi ürəyim pərvanəsidir .

    Torpaq məhəbbəti yanar ocaqtək

    Mənim taleyimi hər gün isidir.

    Ümidlə yoğurdun yavan ömrünü,

    Qoyub ayaq altda cavan ömrünü ,

    Zəfər qalasını inamla hördün.

    Açdı yaxasının hünər yolları,

    Əridi fələyin şaxtası, qarı,

    Qartaltək uçduğun zirvəyə döndün.

    XI

    Qartaltək uçduğun zirvəyə döndün,

    Seyr etdin Vətənin sərhədlərini .

    Üzü qələbəyə gedən yollara,

    Səpdin nəğmə-nəğmə ümidlərini.

    Vətən nəğməsinin ətri, qoxusu,

    Hopdu qəribsəmiş yurdun daşına.

    Zəngilan döyüşçü nəğməkarının,

    Səsini yazıbdı yurd yaddaşına.

    Bəxt yara alsa da öz sinəsindən,

    Zəfər köynəyini geymiş səsindən,

    Kədər çilikləndi, qəm qəlpələndi.

    Yurd yeri sevgiylə çıxdı qarşına,

    Doğma Qarabağın hər qarışına,

    Səsindən qələbə ətri ələndi.

    XII

    Səsindən qələbə ətri ələndi,

    Aldı qucağına Ağbənd kəndini.

    Vətənin üçrəngli bayrağı ilə,

    Səsin salamladı yurd sərhədini.

    Sərhədçi oğlunun gözündən öpüb

    Özündən-özünə döndü Zəngilan.

    "Şəhidim, yurduna xoş gəldin", - deyib,

    Kövrələ-kövrələ dindi Zəngilan.

    Dərdin dağlarında ulayan qurdun

    Kənd-kənd, oba-oba dağılan yurdun

    Üzünə- gözünə fərəh çiləndi.

    Qeyrət aynasında özünü görüb ,

    Üçrəngli bayrağın üzünü görüb,

    Zəfər sevincinə torpaq bələndi.

    XIII

    Zəfər sevincinə torpaq bələndi ,

    Ali Baş Komandan "Hücum!"- deyəndə .

    Dəmir yumruğunu göyə qaldırıb,

    "Müzəffər ordumdu-gücüm"- deyəndə.

    Bu cavan ömrünə qıydığı üçün, .

    Hələ də utanır ölüm qurşunu,

    Şəhidim önündə farağat durub,

    Fəxarətlə keçir Sərhəd qoşunu.

    Payızda önündə diz çökdü yağı,

    Sərib sinən üstə şanlı bayrağı

    Ata ocağına şərəflə döndün.

    Bu qısa ömürdə məhəbbət dolu,

    Adın mübarəkdir, ey türkün oğlu

    Vətəndə əbədi nəğməyə döndün.

    XIV

    Vətəndə əbədi nəğməyə döndün,

    Xudayar, zəfərli çağın mübarək!

    Payızda Vətənə bahar gətirdin ,

    Şəhadət ətirli bağın mübarək!

    Nəğmədən özünə bir xeymə qurdun,

    İçində sevdalı ellər dincəlir.

    Şuşa da, Laçın da azad olubdu,

    Şəhidim, səsindən yurd ətri gəlir.

    Arxada qalmasın gözün, Xudayar,

    Sönməz ürəklərdə közün, Xudayar,

    Yazıb yaddaşına zaman adını...

    Haqqı var analar oğlunu öyə,

    Xuda taleyinə yar olsun deyə,

    Xudayar çağırdı anan adını.

    XV

    Xudayar çağırdı anan adını,

    Şəfqətlə əyilib öpdü üzündən.

    Səni məhəbbətlə bağrına basdı,

    Oğul ətri gəldi kövrək sözündən.

    Böyüdün həyatda ər oğlu ərtək,

    İstədin yurddaşın olsun bəxtiyar.

    Qarabağ uğrunda gedən savaşda,

    Adını tarixə yazdın, Xudayar.

    Şəhidlik köynəyi geydin əyinə,

    Düşməni almadın heç vaxt eyninə,

    Qartaltək uçduğun zirvəyə döndün.

    Səsindən qələbə ətri ələndi,

    Zəfər sevincinə torpaq bələndi,

    Vətəndə əbədi nəğməyə döndün.

    Zaur Ustac

    "Yazarlar" jurnalının baş redaktoru.
  • iyul 2023, زائـــور ا.

  • 20
Acı Tale ( Rəvayət

Zahid Şirinli

Qulaq asın qəmlidir rəvayətim Elə özüm haqqımdadı bu söhbətim Bir gözəli mən sevib aşiq oldum Çalışıb həmişə sevgimə sadiq oldum Varıydı ürəydə sevgi həsrətim Gözümü......

Goranboylular (mahnı)

Zahid Şirinli

Nəqarət İgid qəhrəmandi Goranboylular Mehriban insandı Goranboylular Qardaşa qardaşlığ eden her zaman Düşmana dusmandi Goranboylular 1-ci bənd Goranboy haqqında eylə axtarış Bu el torpağı vermiyib......

Gecənin bir aləmi (mahnı)

Zahid Şirinli

Nəqarət (2x) Düşmüsən sən yadıma yar gecenin bir alemi Sənə var ehtiyacim var gecenin bir alemi 1-ci bənd Niye neycun bu sevgime nezerin yoxdu senin.......

Xəyanət

Zahid Şirinli

libası düşmədi dəbdən, Özgənin yanında durduğun kimi. Vurdum aynaları qırdım əsəbdən, Sen mənim ürəyimi qırdığın kimi. Mənim ürəyimdə film çəkilir, Sən hansı roldasan halın......

Ana

Zahid Şirinli

"Agaran saclarin bukulen belin, Mene ogul deyen,o sirin dilin Basima cekdiyin titrek ellerin, Bir gunum olmasin sensiz ay Ne qeder sen varsan,yasayiram men. Saclarin......

Ağı (hekayə)

Firuz Mustafa

Ağı (hekayə) Hələ keçinməyib, deyəsən. Nəfəsi gəlib-gedir… Bacıları indidən ağlaşma qurublar: “Beş bacının tək qardaşı vay…” Ağrım ürəklərinə оlsun sənin о ağı deməyə......

Ümidsizlik nəğməsi və ya Qoca skripkaçı haqqında ballada

Habil Yaşar

Zibilqabı yanında, zibillik eşələyən, qoca, nurani kişi, Yamanca deyinirdi. O, bəzən gülümsəyir, bəzənsə... Ah, mənim amansız qara taleyim, Məni məhrum etdi işıqlarından. Yoluma daş qoydu......

Roman yazmaq dəhşətin ötəsində bir şey...

Habil Yaşar

Hər şeydən öncə hansı mövzu haqqında yazacağını düşünmək nəinki aylar, hətta illərini ala bilər. Zamanının nə zaman gələcəyinin səndən......

Мир Без Границ

Firuz Mustafa

Фиpуз МУСТАФА МИР БЕЗ Граhиц tractatus Пpедисловие "Миp без гpаниц" - в некотоpом pоде пpедваpительный набpосок, эскиз будущего миpа, пpичем эскиз неполный, незавеpшенный. Автоp вовсе......

Yaxşı övlad kimdir?

Hüseynova Şümşəd

Uşaqlarınızı tərbiyə etməyə çalışmayın, onsuz da necəsə sizə oxşayacaqlar. Özünüzü tərbiyə edin bəsdir... (A S. Makarenko) Bizlərdən hər zaman bacarıqlı olmağımızı istədilər. Ancaq necə bacarıqlı......