- "Cənnətiniz Batsın"
- Şümşəd Hüseynova
-
Hər daim özümdən uzaqlaşan zaman qaçdığım tək yer var: qələm və vərəq.
Bu hər daim belə olub. Hələ uşaq zamandan incəsənətə meyilli biri olmuşam. Nəticə? Hər kəs kimi mən də zamanla yox oluram. Rəsm çəkməyi sevdiyim halda uzaqlaşdım... uzaqlaşmalı oldum. Sonra yazmağa başladım, "yazmaqla həyat qura bilməzsən", "həvəsdir" dedilər. Axı niyə insanlar bu qədər qəddar olurlar? Özümü tanımadığım halda mənə peşə seç deyirlər. Mən isə kiməm bilmirəm...
Əvvəl yazan əllərim bu gün çirkab qusur. Bəli, Azərbaycan bir yazarını daha itirir. Bunlar son damlalardı... bunlar son cırpınışlardır... Bəlkə də son cırpınışım yenidən uçuşum olar. Bildiyim tək şey var – artıq insanlardan iyrənirəm. Mənə görə artıq dünyada nə sevgi var, nə mərhəmət, nə də vicdan var. Dünyada yalnız və yalnız şəhvət, vəhşilik, nifrət və ölüm var. Ən realı isə ÖLÜMDÜR...
Cənnət və cəhənnəm var, fəqət hamısı bu dünyadadır. Hamısı bu dünyadadır. Bu gününü cəhənnəm kimi yaşayanlar cənnətə düşməyi gözləyir. Oturub ağlamaq istəyirəm onların yerinə. Hər kəs bir parça eqosuna sığınıb gedir. Bu mənasız düşüncələrlə cənnət istəyirlər. Cənnətiniz batsın... Müharibələr olarkən, təcavüzkarlar gəzərkən, analar, uşaqlar gözü yaşlı qalarkən yerə batsın sizin cənnətiniz! Yerə batsın sizin inancınız! Günahsız bir körpə ölür, siz deyirsiniz ki, cənnətə düşdü. Haradan bilirsiniz? Haradan? Kimdir bunu sizə deyən? Bu dünyada cənnəti dadmayan körpə o dünyanın cənnətini nə edəcək?
Hər şeyi kənara qoyuram. Mən hər gecə səhərə kimi otaqda gəzən zaman harada olur bu mərhəmət? Niyə almır içimdəki bu yükü? Eh... sizin ki cəfəngiyyatdır... sadəcə cəfəngiyyat. Hər şeyi sorğusuz-sualsız qəbul edirsiniz. Etməsəniz belə dilə gətirməyə qorxursunuz. İnsan qınağından o qədər qorxursunuz ki, hər biriniz qınınıza girib çəkilmisiniz bir tərəfə. Hər birinizin tək arzusu var: pul yığmaq, ev almaq, həmin evi ən bahalı əşyalarla bəzəmək, ən bahalı qabları alıb saxlamaq, ən bahalı maşını almaq. Qonşuya, qohuma acıq vermək. HƏYAT BU DEYİL!
Sizin həyatınız bu ola bilər, mənim HƏYATIM bu qədər ucuz, səviyyəsiz və acgöz deyil. Mən bir vərəqi istədiyim kimi boyamaq istəyirəm. Heç nəyi təsvir etməsəm də sadəcə boyalara batmaq istəyirəm. Mən sadəcə yazmaq istəyirəm. Ağlıma gələn hər şeyi yazmaq istəyirəm, mən qışqırmaq istəyirəm. Səsim dünyanın o biri ucuna çatacaq qədər qışqırmaq istəyirəm. Mən ağlamaq istəyirəm. "Camaat nə deyər?" sözü olmadan qışqıra-qışqıra ağlamaq istəyirəm. Mən AZAD OLMAQ İSTƏYİRƏM. Bir yerdə qalmaq istəmirəm. İçimdəki mənləri kəşf etmək istəyirəm. Ağlamaq məni zəif etməz. Hətta əksinə, mən bu dəqiqə dünyanın ən varlı adamından belə güclü hiss edirəm. (Müasir dövrə görə pullular güclüdür).
Bütün müharibələrin durmasını istəyirəm. Siyasətsiz həyat istəyirəm. İstəyirəm, sadəcə istəyirəm... başqa heç nə edə bilmirəm.
Mən sizin bu bir-birinə oxşar olan şablon həyatları istəmirəm. Hər kəs kimi universitet oxuyub, işləyib, ailə qurub, uşaq dünyaya gətirmək istəmirəm. Nəfəs almaq istəyirəm. Axşam başımı yastığa qoyanda heç nə düşünmək istəmirəm. Gün boyu o qədər yorulmaq istəyirəm ki, həmin günü xatırlamaq istəmirəm.
Siz isə hamınız dini əlinizdə bayraq edib yalan dünyanı yalanlarınızla düzəldirsiniz. Boş-boş qadın-kişi münasibətindən, torpaq münaqişəsindən və sizə aidiyyəti olmayan adamların dedi-qodularını edirsiniz. Həyat sizə görə budur. Həyat sizə görə bahalı paltar geyinməkdir. Markalara görə bir-birinizi alçaltmaqdır. Belə insanlar ola-ola gəlib mənə tövsiyə verəndə üzünüzə gülmək istəyirəm. Çünki zərrə qədər qiyməti yoxdur qiymətsiz fikirlərinizin. Həyatdakı nailiyyəti sadəcə və sadəcə pul olan kəslərin tövsiyələri mənə maraqlı deyil. Çünki mən varlı olmaq istəmirəm, mən daxilən zəngin olmaq istəyirəm.
Mənə görə ən qorxunc varlıq İNSANDIR. Şeytandan yox, insanlardan qorxuram.
- 413
sentyabr 2025, Şümşəd H.
Firuz Mustafa
Payız Süvarisi (kinossenari) Ən adi günlərin birində Paris şəhərində, lap dəqiq desək, Parisin cənubundakı Monparns məhəlləsində yaşayan iş adamı Jüsten Bursenin başına çox......
زائـــور اوستاج
Bilməsin Qoy xəbər tutmasın sevgilim məndən, Nə qərara gəldiyimi bilməsin. Günorta demədən, gecə demədən, Gözyaşımı sildiyimi bilməsin. *** Qırıldı ümidlər, düşdümü suya?! Az qalsın sevincdən......
Firuz Mustafa
Firuz Mustаfа zülmətə аçılаn Qаpı sаnкi həmin аnlаrdа tanrının göz yаşlаrı ilə islаnmış qurbаnlаrı qəbul еtməкdən yоrulmuşdu (каntаtа. rоmаn.) …Qapı… Müəllıfdən “...Qаpı...” 1986-88-ci illərdə qələmə......
Firuz Mustafa
Firuz Mustafanın “Cənnət çiçəyi” romanındakı hadisələr real və irreal zamanların çarpazlaşdığı məkanda baş verir.......
Tural İsmayılov
Adam hər axşam evə qayıdanda əvvəlcə işığı yandırmırdı. Qaranlıqda bir neçə dəqiqə oturur, pəncərədən küçəyə baxırdı. Küçə işıqları qarşıdakı binaların divarlarına düşür, insanların kölgələri bir-birinin......
Dəhnəli Məmməd Hacızadə
Onbir il bir sinifdə bir güldük,bir ağladıq. Neçə nurlu sabaha arzu-xəyal bağladıq. Yaddan çıxmır nə məktəb, nə sinif yoldaşları, Ağ məzərli qızların göyərçin baxışları. Məktəblə......
Firuz Mustafa
Ədəbiyyat. Ədəbi şəxsiyyətlər. Bakı-2023 Sizə təqdim olunan kitabda Firuz Mustafanın ədəbiyyat və ədəbi şəxsiyyətlər......
Firuz Mustafa
Sаbır Bəşırоv (fəlsəfə doktoru) : Idrakla Hissin Vəhdəti Ədəbi portret Bakı “Araz”-2012 Elmi redaktor: Bədirxan Əhmədov Redaktor: Lalə Musaqızı Sabir Bəşirov : İdrakla......
Firuz Mustafa
Qeydlər Etüdlər Bakı-2027 Təqdim edilən kitabda Firuz Mustafanın müxtəlif vaxtlarda qələmə aldığı çaparaq qeydlər, gündəliklərdən......
Firuz Mustafa
Посвящается тебе, Фируз МУСТАФА ...................................................................................... Sənə həsr olunur, В книге, представленной вниманию читателей, собраны образчики поэзии, т.е. стихи посвященные Фирузу Мустафу. Среди авторов......