- "Sakitlik yoxsa gərginlik – biz hansını daşıyırıq?"
- Şümşəd Hüseynova
-
Günəş yerini Aya verdiyi zaman, bəzilərinin hekayəsi bitdiyi anda, bəzilərinin hekayəsi hələ yeni başlayır.
İnsanlar o qədər qəribədir ki... Gündəlik həyatınızda insanları bir anlıq müşahidə edin. Çox qəribəliklərə şahid olacaqsınız. Düzdür, bu qəribəlikləri, ziddiyyətləri eşidirik, oxuyuruq, fəqət insanın müşahidəçi gözü ilə bunun fərqində olması daha fərqli hissdir.
Yaxın zamanlarda getdiyim bir yerdə iki xanım oturmuşdu. Elə oldu ki, bu iki xanımın ortasında oturmalı oldum. Sağ tərəfimdəki xanım gərgin görünürdü. Telefonda tez-tez mesajlar yazır, ayaqlarını tərpədirdi, yerində durmurdu, tez-tez qabağa və arxaya söykənirdi, rahatlıq tapmırdı. Mesaj yazdıqca incə, lakin gözə çarpan tonlarda dodaq boyası çəkilmiş dodaqlarını tərpədirdi. Görünən o idi ki, kimləsə ya dalaşır, ya da nəsə pis bir şey baş verib.
Sol tərəfimdəki xanım isə daha rahat və sakit idi. Hətta bir ara oturduğu yerdə mürgüləyirdi.
Və bu sırada ortada oturan mən... Üç xanım eyni anda, eyni yerdə, fərqli təəssüratlarla oturmuşduq. Bundan əlavə, biz üçümüz də fərqli yaş qruplarına mənsub idik. Bu, geyimimizdən və görkəmimizdən də bəlli olurdu. Kənardan baxanda bir rəssamın tablosu kimi maraqlı və bir o qədər də gizli görünürdü. Qısa müddət ərzində bir yerdə heç danışmadan oturmağımıza baxmayaraq, sağ tərəfdəki qadının gərginliyi mənə keçmişdi. Özüm istəmədən mən də gərginləşirdim.
İndi düşünəndə bir sual yaranır: Niyə sol tərəfdəki qadının sakitliyi deyil, sağ tərəfdəki xanımın gərginliyi məni özünə bu qədər çəkmişdi?
Gündəlik həyatda da əslində bu şəkildə oluruq. Neqativləri özümüzə tez cəlb edirik.
Məsələn, şəhərdə tez-tez qarşıma çıxan bir ana-oğul var. Oğul anasına o qədər gözəl hörmət edir ki... Onları heç tanımayan adam belə necə bir münasibətdə olduqlarını hiss edir. Hər dəfə onları görəndə ürəyimdə bir sevinc olur. Fəqət sonra bu hörmətin, qayğının belə pis tərəflərini düşünməyə başlayıram. Bəlkə çöldə belə davranır? Bəlkə bu kişi anasına yaxşı olduğu halda həyat yoldaşını döyür? Bu və daha neçə “bəlkə”lər...
Müasir dövrdə hər şey o qədər süniləşib ki, artıq nəinki sosial mediada olan sevgi, hörmət, qayğı, hətta canlı həyatda belə bu hisslər şübhəli gəlir. Hər kəs kameralara oynayır, hər kəs özünü daha yaxşı göstərməyə çalışırmış kimi gəlir. Sanki bir yarış içindəyik: "Mən daha çox sevirəm", "Mənim ailəm daha idealdır."
Hansı sevgi mübahisəsizdir ki? Hansı ailə problemsizdir ki? Nədir bu qüsursuz olmaq istəyi? Niyə edirik bunu? Kimə göstəririk özümüzü? Ən əsası – nə üçün göstəririk özümüzü? Kənardan baxıb "Nə gözəl ailədirlər" desinlər deyə?
Yuxarıda fikir verdinizsə, daha çox sağdakı xanım diqqətimi çəkmişdi. Bu dəqiqə həmin xanımı görsəm, tanıyaram. Fəqət soldakı xanımın geyimi, üzü o qədər də yadımda deyil.
İnsan zehni... Necə ki, həyatımızdakı yaxşı xatirələri tez unuduruq, necə ki, bizə olan haqsızlıqlar, kobudluqlar yadda qalır – bu hadisə də buna bənzəyir.
Biz nə qədər ətraf aləmdən qaçmaq istəsək də, unutmayaq ki, biz özümüz də bir ətrafıq...
- 261
iyul 2025, Şümşəd H.
Firuz Mustafa
Payız Süvarisi (kinossenari) Ən adi günlərin birində Paris şəhərində, lap dəqiq desək, Parisin cənubundakı Monparns məhəlləsində yaşayan iş adamı Jüsten Bursenin başına çox......
زائـــور اوستاج
Bilməsin Qoy xəbər tutmasın sevgilim məndən, Nə qərara gəldiyimi bilməsin. Günorta demədən, gecə demədən, Gözyaşımı sildiyimi bilməsin. *** Qırıldı ümidlər, düşdümü suya?! Az qalsın sevincdən......
Firuz Mustafa
Firuz Mustаfа zülmətə аçılаn Qаpı sаnкi həmin аnlаrdа tanrının göz yаşlаrı ilə islаnmış qurbаnlаrı qəbul еtməкdən yоrulmuşdu (каntаtа. rоmаn.) …Qapı… Müəllıfdən “...Qаpı...” 1986-88-ci illərdə qələmə......
Firuz Mustafa
Firuz Mustafanın “Cənnət çiçəyi” romanındakı hadisələr real və irreal zamanların çarpazlaşdığı məkanda baş verir.......
Tural İsmayılov
Adam hər axşam evə qayıdanda əvvəlcə işığı yandırmırdı. Qaranlıqda bir neçə dəqiqə oturur, pəncərədən küçəyə baxırdı. Küçə işıqları qarşıdakı binaların divarlarına düşür, insanların kölgələri bir-birinin......
Dəhnəli Məmməd Hacızadə
Onbir il bir sinifdə bir güldük,bir ağladıq. Neçə nurlu sabaha arzu-xəyal bağladıq. Yaddan çıxmır nə məktəb, nə sinif yoldaşları, Ağ məzərli qızların göyərçin baxışları. Məktəblə......
Firuz Mustafa
Ədəbiyyat. Ədəbi şəxsiyyətlər. Bakı-2023 Sizə təqdim olunan kitabda Firuz Mustafanın ədəbiyyat və ədəbi şəxsiyyətlər......
Firuz Mustafa
Sаbır Bəşırоv (fəlsəfə doktoru) : Idrakla Hissin Vəhdəti Ədəbi portret Bakı “Araz”-2012 Elmi redaktor: Bədirxan Əhmədov Redaktor: Lalə Musaqızı Sabir Bəşirov : İdrakla......
Firuz Mustafa
Qeydlər Etüdlər Bakı-2027 Təqdim edilən kitabda Firuz Mustafanın müxtəlif vaxtlarda qələmə aldığı çaparaq qeydlər, gündəliklərdən......
Firuz Mustafa
Посвящается тебе, Фируз МУСТАФА ...................................................................................... Sənə həsr olunur, В книге, представленной вниманию читателей, собраны образчики поэзии, т.е. стихи посвященные Фирузу Мустафу. Среди авторов......