- Mobil Telefondan Yapışan Gəlin
- Şirinxanım Kərimbəyli Şadiman
-
Mobil telefondan yapışan gəlin,
Evində iş-gücün tökülüb qalıb.
Qeybətlə, yalanla çarpışan gəlin,
Qəlbin talan olub, sökülüb qalıb.
Mətbəxdə qab-qacaq yuyulmayıbdı,
Beşikdə körpən də haray qoparır.
Qonum- qonşulardan vallah ayıbdı,
Telefon azarın səni aparır.
Qazanın nahara xörək gözləyir,
Bir azdan gələcək ərini düşün.
Səni sevgi dolu ürək gözləyir...
Ayıl, özünə gəl, dərini düşün!
Hazırla biş-düşü, üzə sığal ver,
Əyninə ən yaxşı donunu geyin.
Ərin gələn kimi göstər başda yer,
Sonra deyə-gülə olandan yeyin.
Evin dərdi-sərin tökmə üstünə,
Dodaqdan gülüşün əskilməsin heç.
Qurduğun həyatın durma qəsdinə,
Süfrəndən bərəkət kəsilməsin heç.
Körpə balalara insanlıq aşla,
Analıq adınla aləmə nur ol.
İçindən boylanan şeytanı daşla,
Xəyanət tapmasın qoy ailənə yol...
Mobil telefondan yapışan gəlin,
Telefon azarın sağaltmaq olmur.
Hər dedi-qoduyla çarpışan gəlin,
Sonra pis vərdişə heç batmaq olmur.
Qaynata, qaynana əzizin olsun,
Onlara hörməti heç vaxt unutma.
Ərin, balaların sağ gözün olsun,
Ev söz-söhbətinə qonşunu qatma...
Baldızın, qayının varsa əziz tut,
Bil ki, öz yarının doğmalarıdı.
Ruhunu, qəlbini daim təmiz tut,
Etdiyin nədirsə o qalarıdı...
Sən başqa bir evə ocaq gəlmisən,
Qoyma o ocağın közü azalsın.
Sevdiyin oğlana çıraq gəlmisən,
Qoyma vaxtsız çöküb, vaxtsız qocalsın.
Unutmaq çətindir ata evini,
Amma doğma yuvan köçdüyün evdir.
Qoyma şər-şeytanlar tuta evini,
Bu ev, eşq andını içdiyin evdir!
Mobil telefondan yapışan gəlin,
Ərin mobil deyil, yekə kişidi!
Kimliyin unudub hədd aşan gəlin,
Boşasa demə ki, tale işidi!...
Nə bir təhsilin var, nə bir sənətin,
Ərə getməyini önə çəkmisən.
Getdiyin ailədə xoşsa niyyətin,
Demək yar könlündə güllər əkmisən.
Sən bu Şadimanı qınama gəlin,
Demə ki, söz əhli boşboğaz olur.
Mobil telefondan vaz keçsin əlin,
Bil bədbəxt olanda doğma az olur...
06.02.2019
Şirinxanım Kərimbəyli ŞADİMAN
- 90
fevral 2019, Şirinxanım K. Ş.
Dəhnəli Məmməd Hacızadə
Zəl Cəlali Vəl İkram, Yoruldum . Görməkçün Cəlalını , Duruldum . Bir çeşmədən süzülüb, Xırmanlarda çözülüb, Yonqarlanıb, üzülüb, Yol aldım . Xətamla,günahımla......
Dəhnəli Məmməd Hacızadə
O gün Şəkiyə getdik, Yaxşı görək, daa dimə. Eşit,gör nə eşitdik, Yaxşı görək, daa dimə. Xan qayıdıf gəlitdi, Halımıza gülütdü. Bə diyirdoz ölütdü? Yaxşı görək,......
Dəhnəli Məmməd Hacızadə
Bu yerlərdə bir el var, Bilooz,diyim haindi. Burda şipşirin dil var, Cözoo yiyim haindi. Hayva böyun əyitdi, Sararalıtdı,dəyitdi. Ceem cööm cəlitdi? Toydan ciyim haindi. Giriş......
Dəhnəli Məmməd Hacızadə
Gəl açaq biz xoruza bir qafiyə , Quqquluqu. Hələ kimsə yazmayıb,sirr qafiyə Quqquluqu. Paylaşır öz səsini mələk gördükdə bu qərib, Dərk etməz insan oğlu dürr......
Dəhnəli Məmməd Hacızadə
Niyə kinli olduğun soruşdular dəvədən. Dəvə də,hirsli-hirsli tez çıxdı hövsələdən. Dedi: -mən bu həyatın acısını yaşadım, Duz dedilər daşıdım. Qənd dedilər daşıdım. Canla-başla getmişəm ağamın......
Dəhnəli Məmməd Hacızadə
Alar qucağına bizi bu dünya, Biz ona lap körpə yaşdan . Açıb vərəqlərik hər səhifəsini, Çalışıb əvvəldən,başdan . Aldadar dünyanın ləzzəti,duzu, İstərik çoxunu,bəs edər azı.......
Dəhnəli Məmməd Hacızadə
gizlədər hər sirrini. Saxlar əl çatmaz yerdə zinətini,dürrünü. Baxıb göyün üzünə, sinəsi qübar eylər. Pıçıldaşar ləpələr, həya eylər,ar eylər. ,......
Dəhnəli Məmməd Hacızadə
Biri vardı, biri yoxdu, olan səndin, olmayansa sənsiz günüm. Nə azıydı,nə çoxuydu, səndən qeyri gün yoxuydu başqasını düşünüm. Bir sən vardın, düşüncəmin sənsiz günü yox......
Dəhnəli Məmməd Hacızadə
Öz könül bağına baxsan azacıq, Görərsən ətirli çiçəkdi . Alıb ətrafını qönçə,tumurcuq, Açılan təzətər ləçəkdi . sız bir dünya dəyməz gözünə, Kimdi sığdırmayan onu özünə?......
Dəhnəli Məmməd Hacızadə
Görərsən gəzsən əgər dünyada bir danə Bakı. Xəzərin sahilində bərq vuran dürdanə Bakı. Xəzərdir badəsində meyxoş edən piyaləsi, Əyləşibdir taxtında bənzəyir sultanə Bakı. Canıının parçasıdır......