- Düşüncələr2
- Şümşəd Hüseynova
-
İnsanlar seçimlərinin əziyyətini daim çəkir. İstər yaxşı, istərsə də pis. Hər şey kənardan göründüyü qədər gözəl və füsunkar görsənir, reallıq isə elə olmur. Gördüyümüz dəbdəbəli həyatların arxa planı qaranlıq olur.
Yenə eyni duyğular içində çırpınıram... təklik... Hər kəs çox ağıllı, hər kəs çox böyükdür, bəs sən? Sən kimsən? Böyüksən? Ağıllısan? Nəsən axı? Heç kim... böyük bir heçlik... Gün boyu hər kəs qaçır, tələsir, ancaq "niyə?" sualını vermir. Bəs niyə qaçırıq? Eyni mövzular yenə elə? Yenə dönüb-dolaşıb eyni yerə çıxıram, "niyə?" sualına... İllərdir bəşəriyyətin cavab tapa bilmədiyi həmin o suala. Hətta alimə belə "niyə?" sualını verərək onu çaşdıra bilərsiniz. Bəs sizcə, niyə? Niyə "niyə" sualı bu qədər qəliz gəlir? Dörd hərf, bir ömür...
Bütün insanlar arasında təklik içində boğuluram və bu hissdən həzz alıram. Özümə zülm etməyimi sevirəm, yoxsa eqoistəmmi, bilmirəm. Söhbət bilirsiniz nədir? Bir zamanlar siz onları istəyəndə onlar sizi istəmədi. Ətrafınız sizi itələyib çıxardı. İndi isə dəyişiblər... Sən onları istəmirsən, onlar səni istəyir. Ümumiyyətlə, həyatım o qədər qəribə hiss etdirir. Bəzən ətrafım dolu insan olur, bəzən isə heç kimsəm olmur. Səbəb? Deyim özüm... Heç biri qalıcı olmur, çünki heç bir insan qalıcı olmur. Sadəcə ətrafınızda olan o bir müddətlik insanları düzgün seçin ki, sonra sizə zərbə vurmasınlar.
Ətrafınızda çoxu ola bilər və inan ki, sizi çoxları sevə bilər, amma ruhunuzu çox nadir anlayanı olar. Hər biri sizə "yaxşı dost", "yaxşı sevgili" deyə bilər, amma çox azı sizin əslində ehtiyacınızın tərif və əzizlənmək olmadığını anlayar. Bu isə öz ruhunuzun əksini tapanda ola bilər. Bəzən isə sizin ürəyinizi oxuyan sizdən çox uzaqda, əlçatmaz olar. Bəlkə də o da sizi anlamır, anlasa yanınızda olmazdımı?
Son zamanlarda ən çox deyilən söz "Niyə elə aşiqsənmiş kimi baxırsan?" olur. Oturub izah edə bilmirəm, ona görə yox ki, həvəsim yoxdur, ona görə ki, izah etsəm də anlamayacaqlar. Ümumiyyətlə, çoxu sizin xəyallarınıza, istəklərinizə, düşüncələrinizə qəribə baxacaq, bəzən isə güləcəklər.
"Mən Vətən üçün yaşayıram" deyəndə "Vətən sənə nə edib?" deyirlər. Bu isə həmin insana nəyinsə izahını mənasız edir. "Vətən üçün yaşamaq" deyəndə kim nə başa düşür, bilmirəm, amma tək bir şeyi bilirəm ki, "Vətən sənə nə verib?" sözü ayağını basdığın torpağı heçə saymaqdır. Cəmiyyətin tamahına, oğurluğuna, şəhvətinə görə Vətəndən imtina edilərmi?
Məsələ də budur, hər kəs Vətənlə cəmiyyət anlayışını səhv salır.
Sözümün məğzi nə idi? İnsanlardan sırf belə fikirlərə görə qaçıram. - 9
sentyabr 2026, Şümşəd H.
Şümşəd Hüseynova
İnsanlar seçimlərinin əziyyətini daim çəkir. İstər yaxşı, istərsə də pis. Hər şey kənardan göründüyü qədər gözəl və füsunkar görsənir, reallıq isə elə olmur. Gördüyümüz dəbdəbəli......
Firuz Mustafa
Pyeslər 4-cü cild Altı cilddə Bakı-2026 Pyeslər 4-cü cild Altı cilddə Təqdim edilən cildə nın seçilmiş dram əsərləri daxil edilmişdir.......
Firuz Mustafa
Pyeslər 5-ci cild Altı cilddə Bakı-2026 Pyeslər 5-ci cild Altı cilddə Təqdim edilən cildə nın tarixi dramları, monopyes və monohekayələri, yaradıcılığının ilkin......
Firuz Mustafa
Pyeslər 3-cü cild Altı cilddə Bakı-2026 Təqdim edilən cildə nın seçilmiş dram əsərləri daxil edilmişdir.......
Firuz Mustafa
Pyeslər 2-ci cild Altı cilddə Bakı-2026 Təqdim edilən kitaba nın......
Firuz Mustafa
Pyeslər 1-ci cild Altı cilddə Bakı-2026 Təqdim edilən kitaba nın seçilmiş dram əsərləri daxil edilmişdir.......
Firuz Mustafa
Fəlsəfə Işığında (İkinci nəşr) Bakı-2025 ...
Firuz Mustafa
Фируз МУСТАФА ПРОЗА Романы Повести Рассказы Bakı-2026 Фируз МУСТАФА Фируз Мустафа. Проза. Романы.Повести.Рассказы 2026.с.510.Баку. Редактор: Г.Мустафаева В книге представлена проза (романы, повести и рассказы) известного......
Firuz Mustafa
Фируз Мустафа ПЬЕСЫ Pièce Баку -2026 Редактор: Г.Мустафаева Творчество Фируза Мустафы как философа, прозаика и драматурга, знакомо широкому кругу читателей и зрителей.......
Firuz Mustafa
Misra poeziya ποίησις Bakı-2026 .Misra.Poeziya ποίησις Geniş oxucu və tamaşaçı auditoriyası nı əsasən filosof, nasir və dramaturq kimi tanıyır.......