- بایاتیلار
- زائـــور اوستاج
-
مه ساج
بایاتیلار که رپیج که رپیج
قوپوب دوشدو جان ائویمده ن
هه ر بیریسی بیر نامه دی
آنینداکی او حالیمده ن
* * *
مه ن عاشیق بو گئجـه یه
گئجـه به ن زه ر گئجه یه
ایسته ره م تئـز یئتیشه م
به ن زه رسیز او گئجـه یه...
* * *
مه ن عاشیق گول له ر اینجه
نازین چه ک بیرجه - بیرجه
گؤز اؤنونده ال چاتماز
حالیمی بیله بیرجـه...
* * *
مه ن عاشیق گول ئوزونه
حه س ره ته م گول ئوزونه
روحوم راحاتلیق تاپار
ئوز توخونسا ئوزونه...
* * *
مه ن عاشیق گول ئوز یارا
خوش سیما گول ئوز یارا
ائله سئحره دوشموشه م
سونو قالیب روزگارا...
* * *
مه ن عاشیق گول ئوزونه
نیسبه ت یوخ گول ئوزونه
هه رده ن چیخ یئل توتانا
مئه ده ی سین گول ئوزونه.
* * *
مه ن عاشیق گول ئوزونه
حه س ره ته م گول ئوزونه
گه ل ره حم ائیله عاشیقه
ئوز قویوم گول ئوزونه.
* * *
عه زیزیم دیزین اوستو
نه ایستی دیزین اوستو
باش قویسام دیزین اوسته
آرزومون اولماز اوستو.
* * *
عه زیزیم شه ن به گولو
ده رماندی شه ن به گولو
صاباحین خئییر گولوم!
بو اؤزه ل شه ن به گولو.
* * *
مه ن عاشیق بازار گولو
گؤرمه سین آزار گولو
هه ر گولون اؤز آنلامی
ایشته بیر یازار گولو.
* * *
مه ن عاشیق گول ئوزونه
آی اولدون گون ئوزونه
هه رده ن نیقابین قالدیر
قوی دوشسون گون ئوزونه.
* * *
مه ن عاشیق نار بولاغا
ته ش نه یه م نار بولاغا
ته ماسدان دوداق یانار
توخونسـا نار بولاغا.
* * *
مه ن عاشیق نار بـولاغا
داش دوشه ر نار بولاغا
گؤره ن گؤزله ر قان آغلار
یاش دوشه ر نار بولاغا.
* * *
مه ن عاشیق گول اؤزونه
بال دیله بال سؤزونه
یاتیرام کی رؤیادا
ئوز قویام گول ئوزونه.
* * *
مه ن عاشیق بئـلـه سینـه
جان قوربان بئـله سینـه
خالی حاق قه له مینده ن
کیمده وار بئـله سینه؟؟؟
* * *
مـه ن عاشیقـه م بو واختا
بو زامانا بو واختا
اینان روحوم گه ل مه ییــر
جیسمیم اولدوغو تاختا.
* * *
مه ن عاشیق صوبح چاغینا
ائنه ی دیم یار باغینا
آلمـا جاوان ساخلاییر
نار داددی داماغینا.
* * *
عه زیزینه م بال چیچه ک
دوم آغ چیچه ک ؛ آل چیچه ک
ته ضادلار اوزدی مه نی
گه ل جانیمی آل چیچه ک
* * *
عه زیزینه م بال چیچه ک
شه که ر چیچه ک بال چیچه ک
بیلیر سه ن قولاق سه س ده
نئچین اولدون لال چیچه ک...؟!
* * *
عه زیزیم بئله سینه
دولان گه ل بئله سینه
جانـی قوربان ائده سن
یئنــه آز بئله سیـنه.
* * *
عه زیزینه م بال چیچه ک
ماتاف چیچه ک بال چیچه ک
قولاغیما دوشه ن سه س
هاچان اولاجاق گئرچه ک؟!
* * *
عه زیزینه م بال چیچه ک
باغریما خال دوشه جه ک
سوکوتون عه ذاب وئریر
اولموشام بیحال چیچه ک
* * *
عه زیزینه م بال چیچه ک
هه م گؤزه ل سه ن؛هه م گؤیچه ک
دئییره م نه اولاردی
رؤیام اولاردی گئرچه ک؟!
* * *
عه زیزینه م بال چیچه ک
موشکو قوخار هه ر له چه ک
ایذین وئر عه ط رین آلیب
دونیادان راحات کؤچه ک
* * *
عه زیزیم بال چیچه ک دی
هه م اینجی هه م اینجیک دی
ائسه ن یئل له ر قارسی ییب
ایندی یامان اورکه ک دی
* * *
عه زیزینه م بال چیچه ک
نه فیس دی نه فیس چیچه ک
تانریمین مؤع جوزه سی
گؤرونمه میش بی گئرچه ک
* * *
عه زیزینه م بال چیچه ک
گه ل باخما اورکه ک -اورکه ک
قیسمه ت اؤز الینده دیر
ایسته تانری وئره جه ک
* * *
عه زیزینه م بال چیچه ک
ساغیم چیچه ک سول چیچه ک
ایسته میره م هئچ بیرین
ته ک سه ن مه نیم اول چیچه ک
* * *
مه ن عاشیق بال چیچه ک ده
مین بویو هه ر له چه ک ده
دئوین جانی شوشه ده
مه نیم جانیم چیچه ک ده
* * *
عه زیزینه م بال چیچه ک
چیچه ییم له چه ک - له چه ک
آی اوزون گؤرسه ت سه نه
بیزده بیر بایرام ائده ک
* * *
مه ن عاشیقه م بال چیچه ک
هه ر له چه یی بیر چیچه ک
ته ر تاجینین شه ب نه می
ده رده ؛ده رمان وئر ایچه ک
* * *
مه ن عاشیق بال چیچه ییم
یاناغی آل چیچه ییم
ده ریا دوشوب آرایا
یوخدور بیر سال چیچه ییم
* * *
مه ن عاشیق بال چیچه ییم
له چه یی آل چیچه ییم
به د یئل له رده ن اوزاق اول
داییم اوجال چیچه ییم
* * *
عه زیزیم بال چیچه ک دی
قؤنچه دی ته ر چیچه ک دی
دوزو هئچ اینانمازدین
بونجا چه ک دیره جه ک دی
* * *
مه ن عاشیق بال چیچه ییم
هه ر ده م خه یال چیچه ییم
گه ل هئچ اولما به د گومان
جاه و جه لال چیچه ییم
* * *
مه ن عاشیق بال چیچه ییم
قه ل بیمده خال چیچه ییم
شه که ر نابات ؛قه حه ط دی
یئت دادا بال چیچه ییم
* * *
مه ن عاشیق بال چیچه ییم
ال چاتماز دال چیچه ییم
مئه له گه له ردی صئدان
اولموسان لال چیچه ییم
* * *
مه ن عاشیق بال چیچه ییم
باغری خال خال چیچه ییم
تانریدان بیر آرزیم وار
سولما شوخ قال چیچه ییم
* * *
مه ن عاشیق بو جه مالا
بو حوسنه بو جه مالا
تانریم ائیله سین آینان
حه س ره ت قالمام جه مالا
* * *
مه ن عاشیق آیدین اولسون
گون دوغسون آیدین اولسون
مه ن یانیم مه ش عه ل کیمی
هه ر گونون آیدین اولسون
* * *
مه ن عاشیق قؤنچا گوله
هه م گؤزه ل اینجه گوله
مه ن دوشدویوم دورومو
او گؤزه ل بیرجه بیله
* * *
مه ن عاشیقه م بو گونه
بو ایشیقا بو گونه
بولود گیریب آرایا
آی حه س ره ت دیر گونونه
* * *
عه زیزینه م گول خه ط می
ده رده ده رمان گول خه ط می
نه یازیلیب عه لادا
کاش بیله ی دیم به خ تیمی
* * *
مه ن عاشیق اود ایچینده
هه ر یان سوکوت ایچینده
بیر حه نیرتی به ک له ره م
میلیون صئدا ایچینده
* * *
مه ن عاشیق بو گئجـه یه
بو گونه بو گئجـه یه
گونله ر صه فه دوزولدو
تئز چاتا او گئجـه یه
* * *
مه ن عاشیق شئح چیچه ییم
گون آیدین!- شئح چیچه ییم
سوکوت سه نه یاراشمیر
بیر دیل له ن شئح چیچه ییم
* * *
عه زیزینه م او گونه
او گئجه یه او گونه
تانریا قوربان دئدیم
تئـز یئتیره او گونه
* * *
حه س ره ته م او گئجه یه
او گونه او گئجه یه
ائریدیره م گونله ری
تئز یئته م او گئجه یه...
* * *
مه ن عاشیق گوله بئنده م
اوباما ائله بئنده م
دونیــا دوشــوب گؤزومده ن
بیر شیرین دیله بئنده م
* * *
مه ن عاشیقه م بو مئهه
بو سه حه ره بو شئحه
دوداق ایستـه ر توخونسـون
قوزئی ده کی او زئه
* * *
مه ن عاشیق قیزیل گوله
ایسته ره م ئوزون گوله
ائله شیرین دانیش کی
دوداقداسؤزون گوله
* * *
عزیزیم گوله بوله ن
خوش شیرین دیله بوله ن
او یارا جان قوربان ائت
سئومه یی بیله بیله ن
* * *
آی گوله ر ئوز نازه نین
بو کؤنول چوخدان سه نین
هئچ اوتانیب چه کین مه
قه ط عی اولسون سؤزله رین
رئداکتـــور و رســـام : شهین ثنایی فرد
زائـــور اوستاج
“BAYATILAR” \ “بایاتیلار”
کومپوتئرده ییغــدی: گولو
کیتاب "یازارلار" ژورنالینین کومپوتئرینده ییغیلیب.
2018.04.16 - چاپا ایمضالاندی:
بوتون حوقوقلار ؛مؤلیفه مخصوصدور
علاقه : zauryazar@mail.ru
زائـــور اوستاج
بایاتیلار
2018- باکی
- 97
sentyabr 2018, زائـــور ا.
Dəhnəli Məmməd Hacızadə
Zəl Cəlali Vəl İkram, Yoruldum . Görməkçün Cəlalını , Duruldum . Bir çeşmədən süzülüb, Xırmanlarda çözülüb, Yonqarlanıb, üzülüb, Yol aldım . Xətamla,günahımla......
Dəhnəli Məmməd Hacızadə
O gün Şəkiyə getdik, Yaxşı görək, daa dimə. Eşit,gör nə eşitdik, Yaxşı görək, daa dimə. Xan qayıdıf gəlitdi, Halımıza gülütdü. Bə diyirdoz ölütdü? Yaxşı görək,......
Dəhnəli Məmməd Hacızadə
Bu yerlərdə bir el var, Bilooz,diyim haindi. Burda şipşirin dil var, Cözoo yiyim haindi. Hayva böyun əyitdi, Sararalıtdı,dəyitdi. Ceem cööm cəlitdi? Toydan ciyim haindi. Giriş......
Dəhnəli Məmməd Hacızadə
Gəl açaq biz xoruza bir qafiyə , Quqquluqu. Hələ kimsə yazmayıb,sirr qafiyə Quqquluqu. Paylaşır öz səsini mələk gördükdə bu qərib, Dərk etməz insan oğlu dürr......
Dəhnəli Məmməd Hacızadə
Niyə kinli olduğun soruşdular dəvədən. Dəvə də,hirsli-hirsli tez çıxdı hövsələdən. Dedi: -mən bu həyatın acısını yaşadım, Duz dedilər daşıdım. Qənd dedilər daşıdım. Canla-başla getmişəm ağamın......
Dəhnəli Məmməd Hacızadə
Alar qucağına bizi bu dünya, Biz ona lap körpə yaşdan . Açıb vərəqlərik hər səhifəsini, Çalışıb əvvəldən,başdan . Aldadar dünyanın ləzzəti,duzu, İstərik çoxunu,bəs edər azı.......
Dəhnəli Məmməd Hacızadə
gizlədər hər sirrini. Saxlar əl çatmaz yerdə zinətini,dürrünü. Baxıb göyün üzünə, sinəsi qübar eylər. Pıçıldaşar ləpələr, həya eylər,ar eylər. ,......
Dəhnəli Məmməd Hacızadə
Biri vardı, biri yoxdu, olan səndin, olmayansa sənsiz günüm. Nə azıydı,nə çoxuydu, səndən qeyri gün yoxuydu başqasını düşünüm. Bir sən vardın, düşüncəmin sənsiz günü yox......
Dəhnəli Məmməd Hacızadə
Öz könül bağına baxsan azacıq, Görərsən ətirli çiçəkdi . Alıb ətrafını qönçə,tumurcuq, Açılan təzətər ləçəkdi . sız bir dünya dəyməz gözünə, Kimdi sığdırmayan onu özünə?......
Dəhnəli Məmməd Hacızadə
Görərsən gəzsən əgər dünyada bir danə Bakı. Xəzərin sahilində bərq vuran dürdanə Bakı. Xəzərdir badəsində meyxoş edən piyaləsi, Əyləşibdir taxtında bənzəyir sultanə Bakı. Canıının parçasıdır......